Media Kartu Aksara Kanggo Ningkatake Pasinaon Maca lan Nulis Aksara Jawa

Dening: Anik Erawati, S.Pd.

Wonten ing satuan pendidikan Sekolah Menengah Kejuruan, pasinaon Basa Jawa minangka pasinaoan ingkang diajarake sacara kapisah saking pasinaon tematik. Wonten saben tingkatan kelas pasinaon Basa Jawa dialokasikake wonten struktur kurikulum satuan pendidikan kirang langkung 2 (kalih) jam pasinaon saben setunggal minggu.

Materi wonten pasinaon basa Jawa kathah sanget. Ananging, alokasi waktu pasinaon aksara Jawa dipun watesi, sahingga lare badhe njinglengi bab Aksara Jawa menika deres saged tuntas. Sanesipun, kompetensi aksara Jawa damel siswa dianggep susah amarga wujud panulisan Aksara Jawa meh padha sahingga para siswa kedah tlaten lan tliti anggennipun ngapalake lan nyerat Aksara Jawa kang cacahe wonten kalih dasa (20) inggih menika:

 Saking kalih dasa (20) Aksara Jawa menika, guru (pendhidhik) ngupayakake supaya para siswa saged nyerat lan maos Aksara Jawa kanthi nyenengake, menarik lan mboten mboseni kanthi media ingkang menarik inggih menika kanthi media Kartu Aksara. Media kartu menika dadosaken para siswa saged luwih aktif lan remen nalika sinau bab Aksara Jawa. Kartu Aksara Jawa menika saged dipun damel piyambak lan betahaken bahan ingkang mirah utawa terjangkau. Bahan lan alatipun namung awujud kertas ingkang kandel kadosta kerta cover,kertas HVS, lem, lan gunting.

caranipun damel:

1. sepisan damel desain utawa tulisan Aksara Jawa kang cacahe kalih dasa (20), pasangan Aksara Jawa, lan tembung-tembung kang cekak aos kang nuduhake tuladha saben - saben Aksara Jawa lan pasangan Aksara Jawa.
2. Desain kasebut dipun cetak.
3. Cetakan menika dipun kethok – kethok saben Aksara, pasangan lan tembung.
4. Saben kethokan dipun tempel saben Aksara Jawa utawa pasangan dipun jodohaken kalih tembung ingkang trep.
5. Kartu menika ukuranipun kirang langkung 8 x 10 cm.

Carane dolanan kartu uga gampang, para siswa damel kelompok, saben kelompok cacahe 4-5 lare. Salah satunggal lare mbagi kartu kanthi acak marang anggota kelompok. Saben bocah kang wis entuk kartu, kudu nyebutake tulisan Aksara kasebut kanthi bener, kaya mangkono katindakake kanthi gantosan.

Artikel Lainnya :

• Bijak Bermedia Sosial
• Mari Kita Budayakan 5S (Senyum, Salam, Sapa, Sopan dan Santun)
• Mengapa Kurikulum Perlu Berubah ??
• PEMANFAATAN SISA LIMBAH KAYU MENJADI FURNITUR DI BENGKEL BANGUNAN SMK NEGERI 1 PURWOREJO
• Coronavirus